PASTA HIRUGIHARRAREKIN

Osagaiak

  • Hirugihar ketua, 8 xerra, puskatan
  • 2 baratxuri ale, txiki-txiki eginak
  • 3 koilarakada oliba olio
  • Perrexil xehatua
  • 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak dira egokiak)
  • Gatza

Errezeta


Zartagin batean olioa berotu eta hirugihar puskak frijitzen jarri, ongi gorritu eta txigortzen diren arte. Poliki-poliki frijitu daitezela, olioak hirugiharraren zaporea beregana dezan. 5 bat minutu iraganik, baratxuriak gehitu eta hauek erre baino lehenago, pasta egosi berria eta xukatua erantsi. Salteatu egingo dugu, baratxuriaren eta olioaren zaporea har dezan. Gero par-par bota gainetik perrexila. Zerbitzatu eta jan.



Zer iruditu? Ondo atera zaizu?


eusko jaurlaritza Gipuzkoa berria