Sukaldean

Errezeta

Gurina erantsi eta su eztian jarriko dugu eltze giderdun bat, gurina urtuz joan dadin. Arian-arian biziagotuko dugu sua: urtuaz batera, kolore gorri ilunagoa hartuko du gurinak, txigortzen ari den seinale. Hur-gurina esaten zaio horri. Gurinari hurraren usain gozoa dariola sumatu bezain laster, sutatik atera eta gopor batean isuriko dugu gurina. Hozten utziko dugu ondoren.

Batera bahetuko ditugu irina eta azukre-hautsa. Arbendol-hautsa gaineratuko diegu gero.
Gopor batean, harrotu egingo ditugu, ez oso bizi, arrautza zuringoak. Irin-azukre-arbendol nahastura erantsi eta hagaxkez joko dugu guztia, gaiak egoki nahas daitezen. Gurin urtua eta eztia gaineratuko ditugu gero. Ongi nahasiko dugu orea.

Koilara batez beteko ditugu madalena moldeak. Obalatuak eta metalezkoak izan daitezela, ahal izanez gero, maskor handien antzekoak. Erretilu batean ipini eta hozkailuan edukiko ditugu ordubetean, orea pausa dadin. 190º-ko tenperaturan daukagula, sartuko ditugu madalenak labean; 15-20 minutuan edukiko ditugu barruan, arin gorritu arte. Eginak dauden frogatzeko, orratz bat ziztatu eta garbi, orearen arrastorik gabe, aterako beharko dugu.

Moldeetatik atera eta gutxienez egun pare batean eduki ahal izango ditugu itxirik kaxa hermetiko batean.